بحبك كرامة

بحبك كرامة

تصحى اللى فيا

تقوينى لما تبص فى عينيا

تفصل ملامحى

أغانى ورصاص

تواجه عدوك

يجينى الخلاص

أحبك وأضمك وأديك عينيا

بحبك عزيمة

فى ليل الهزيمة

تقاوم تناضل

متنساش عروبتك

متنساش رجولتك

ودايما تواصل

وتصبر عليا

إليك قلبى مايل

مصرح وقايل

كسوفى مانعنى

لكنى باحاول

أناضل نضالك

وأبقى ف جمالك

ومبقاش ضحية

تسلم حياتها لحكم الأشاوس

يبايع سكوتها الشيطان اللى سايس

باحاول أكون لك سفينة نجاة

ومهرة لفارس

بحبك وسيفك صدق وحياء

وفرسك جموحه ماليك كبرياء

ده حبك عبادة وسنة وفرض

وغضبك هيطرح سنابل وورد

فى تونس ومصر ويمنَا السعيد

وفى كل أرض

هتطلع يا قلبى

تضحى بروحك

تحرر فى شعبى

عليك قلبى راضى

ووطنى وربى

ميادة مدحت