لأن إيدى تعبت من الكتابة أبو النجوم بيقولك أرحل
بعد «خليهم يتسلوا» نعيش الآن مرحلة «خليهم يتحاوروا ويتفاوضوا».
وللصامدين فى ميدان التحرير وسائر محافظات مصر فقد اختلست لهم هذه القصيدة المدهشة وليسامحنى عمنا الجميل أحمد فؤاد نجم، باعتباره ابن بلد أصيل وجدع، كما أن الناس لبعضها، ولأن يدى تعبت من الكتابة، فإنى أستسمح أبوالنجوم فى أن أستلف قصيدته الرائعة «النعمة فاقت حدها»، لعل أحدا يقرأ ويسمع.. ويفهم فى عرض دين النبى:
وللصامدين فى ميدان التحرير وسائر محافظات مصر فقد اختلست لهم هذه القصيدة المدهشة وليسامحنى عمنا الجميل أحمد فؤاد نجم، باعتباره ابن بلد أصيل وجدع، كما أن الناس لبعضها، ولأن يدى تعبت من الكتابة، فإنى أستسمح أبوالنجوم فى أن أستلف قصيدته الرائعة «النعمة فاقت حدها»، لعل أحدا يقرأ ويسمع.. ويفهم فى عرض دين النبى:
نظرا لأن النعمة فاقت حدها
ولأننا مش قدها
ولأن فعلا إنجازاتك
فوق طاقتنا نعدها
ولأننا غرقنا فى جمايل
مستحيل حنردها
نستحلفك....... نسترحمك
نستعطفك....... نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا فى يومين شقا
عايزين نجرب الاضطهاد
ونعوم ونغرق فى الفساد
بينى وبينك حضرتك
دا شعب فقرى ما يستحقش جنتك
أنا عارفه شعب ما ينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد «غازه» لإسرائيل
ويومين كمان ويمد نيل
أهو يعنى نشرب ميه واحدة
ندوب فى بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد «مستوطنة»
(متسلطنة بالسرطنة)
إيه اللى خدناه م الكرامة والإباء
حبة خطب وكلام... كلام
إحنا راهنا على النظام
ورضينا بخيار السلام
(بخيار) حنسد عين الشمس بيه
علشان ما يطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوى الحكم
خليك مطرحك
حاغطس وأقب وأعود
بشعب يريحك
راضى وعمره ما يجرحك
أخرس وما يسمعش
وأعميلك عينيه
مش كل قرش يبص فيه
ما يقولش لأه، وفين، وليه
يضرب ينفض فى السليم
وعلى الصراط المستقيم
كل اللى يعرف ينطقه
عاش الزعيم
يحيا الزعيم
بقلم:وائل قنديل- Shorouk news
No comments:
Post a Comment