كان رجلاً بسيطا من المصريين البسطاء.. لم يكن يحلم أن يمتلك سيارة أو يسكن بعمارة أو يرتاد شاليهات السواحل، إنما كان يحلم برغيف الخبز وشربة الماء تسد رمقه، لكن هنالك أنات أطفاله ولوعات جيرانه وآهات الرضع تقرع بابه.. مات ابنه جوعا ويموت هو كذلك، وصاحب الكرسى كما هو ماله، وأيوب المسكين وصرخات الجائعين وآهات المعذبين.
النار بتاكل فى الحطب
والوجبة طابتْ
كل اللى جاعوا
بيسألوا الطباخ: لإمته ننتظر؟
دا بطونا دابتْ
يرفع بإيده المعلقة
يغرف عرقنا
ويهز إيد الهون
ويطحن حلمنا
ويقول: خلاص.. هانتْ
يصرخ ضنايا
أسكته بحتة جزر
وامسح بإيدى دمعته
يا عم يا طباخ
قلبى انفطر
يا عم يا طباخ حرام
خلص الجزر
ابنى الوحيد فى البرد نام
من غير غطا
من غير عشا
دهره انكسر
انت فاكر عمى أيوب
اللى بات من غير عشا
قالوا انتحر
يا ما كان بيوعظنا
كتير تحت الشجر
ماسك فى أيده سبحته
يا سلام على لون شملته
يا ما كان بيغسلها بمطر
انا لسه فاكر لما قال للناس
كفايه عمركم ده مش هدر
لامته يا عباس تنام
وتقوم تقول حكمه وقدر
تتغطى مرة بشملتك
وتنام مريض باقى الشهر
يا عم يا طباخ
النار بتاكل بعضها
خلص الحطبْ
لو كنت خايف ع الضنا
ارميها بالكرسى الخشبْ
لو كنت خايف تنكسر
قوللى السببْ
من غير سبب
بصيت لقيت الناس
بترسم بالرماد خيمة عربْ
تفطر بلقمة من الشقى
تتغدى
تتعشى بتعبْ
علشان يعيشوا بأرضنا
لازم يبيعوا
الهدمة والشملة ف مزادْ
مين يشترى.....
هدمه ومصبوغة بسوادْ
مين يشترى شمله
ومفتولة بحدادْ
مين يشترى خيمة عرب
خضره ومرسومه برمادْ
فاضل مع المسكين
طاقيه بتستره
وكمان رغيف
تمن العقالْ
وحلف عليه جسمه النحيف
لازم يجاوب عن سؤالْ
مين للعيال؟
يصرخ يقول أنا مش ضعيف
يا ناس يا أهلى فى المزاد
ردوا عليا هدمتى
هاتوا العقال
مش عار علينا ينتحر أيوب
ويتعذب بلال
......
فاكرين ضنايا
لما غسلته ...
وكفنته ....وداريته بحجر
شفته ف منام
ويقولى فين يا والدي
راح برج الحمامْ
فين عمى صابر
وابن عمى الواد حسامْ
دا ولاد بلدنا ف غربتى
من تربتي
سرقوا الحجر
وعليا وعليك السلام
...
يا ولاد بلدنا
عمى ايوب اللى مات
قبره اتنبش
يا ولاد حارتنا
قالوا هنبنى فى المكان
فرن وطاحونة
علشان نوفر للفقير
لقمة هَنا ....
عيشة هَنا....
عمره اللى ضاع ..
مفضلش فيه غير كام سنه
يا بيه حرام تزرع مكان الورد حنضل
ما تقولش إن الحى أبدى
ما زمان قتلتوا عمى أيوب
وكلتوه النهاردا
الدود ف تربة عمى أيوب انتحر
وصرخ (مفيش فايدة)
النار بتاكل فى الحطب
والوجبة طابتْ
كل اللى جاعوا
بيسألوا الطباخ: لإمته ننتظر؟
دا بطونا دابتْ
يرفع بإيده المعلقة
يغرف عرقنا
ويهز إيد الهون
ويطحن حلمنا
ويقول: خلاص.. هانتْ
يصرخ ضنايا
أسكته بحتة جزر
وامسح بإيدى دمعته
يا عم يا طباخ
قلبى انفطر
يا عم يا طباخ حرام
خلص الجزر
ابنى الوحيد فى البرد نام
من غير غطا
من غير عشا
دهره انكسر
انت فاكر عمى أيوب
اللى بات من غير عشا
قالوا انتحر
يا ما كان بيوعظنا
كتير تحت الشجر
ماسك فى أيده سبحته
يا سلام على لون شملته
يا ما كان بيغسلها بمطر
انا لسه فاكر لما قال للناس
كفايه عمركم ده مش هدر
لامته يا عباس تنام
وتقوم تقول حكمه وقدر
تتغطى مرة بشملتك
وتنام مريض باقى الشهر
يا عم يا طباخ
النار بتاكل بعضها
خلص الحطبْ
لو كنت خايف ع الضنا
ارميها بالكرسى الخشبْ
لو كنت خايف تنكسر
قوللى السببْ
من غير سبب
بصيت لقيت الناس
بترسم بالرماد خيمة عربْ
تفطر بلقمة من الشقى
تتغدى
تتعشى بتعبْ
علشان يعيشوا بأرضنا
لازم يبيعوا
الهدمة والشملة ف مزادْ
مين يشترى.....
هدمه ومصبوغة بسوادْ
مين يشترى شمله
ومفتولة بحدادْ
مين يشترى خيمة عرب
خضره ومرسومه برمادْ
فاضل مع المسكين
طاقيه بتستره
وكمان رغيف
تمن العقالْ
وحلف عليه جسمه النحيف
لازم يجاوب عن سؤالْ
مين للعيال؟
يصرخ يقول أنا مش ضعيف
يا ناس يا أهلى فى المزاد
ردوا عليا هدمتى
هاتوا العقال
مش عار علينا ينتحر أيوب
ويتعذب بلال
......
فاكرين ضنايا
لما غسلته ...
وكفنته ....وداريته بحجر
شفته ف منام
ويقولى فين يا والدي
راح برج الحمامْ
فين عمى صابر
وابن عمى الواد حسامْ
دا ولاد بلدنا ف غربتى
من تربتي
سرقوا الحجر
وعليا وعليك السلام
...
يا ولاد بلدنا
عمى ايوب اللى مات
قبره اتنبش
يا ولاد حارتنا
قالوا هنبنى فى المكان
فرن وطاحونة
علشان نوفر للفقير
لقمة هَنا ....
عيشة هَنا....
عمره اللى ضاع ..
مفضلش فيه غير كام سنه
يا بيه حرام تزرع مكان الورد حنضل
ما تقولش إن الحى أبدى
ما زمان قتلتوا عمى أيوب
وكلتوه النهاردا
الدود ف تربة عمى أيوب انتحر
وصرخ (مفيش فايدة)
اليوم السابع
No comments:
Post a Comment