كتب هاني ضوَّه - انتهت نيابة سيدي جابر من التحقيق مع النشطاء الذين كانوا قد تظاهروا الجمعة أمام قسم شرطة سيدي جابر للمطالبة بمحاسبة المتسببين في مقتل (شهيد الطوارئ).
ووجهت النيابة 7 اتهامات وهي: تكدير الأمن العام، ازدراء نظام الدولة، تعريض النقل البري والمواصلات للخطر، القيام بأعمال تهديد وتدابير غير مشروعة ومحاولة اقتحام مبنى حكومي (قسم سيدي جابر)، الاشتراك في التجمهر، القيام وآخرين في تجمهر مكون من 30 شخص، التعدي بالقصف على جهة من جهات الدولة (وزارة الداخلية) وموظفين عموميين، التعدي بالسب على المقدم أحمد عثمان والضابط إلهامي عبد المنعم والرائد أحمد عز والنقيب خالد عبدالفتاح وذلك بترديد عبارات سب تجاه الحكومة.
ومن جانبه طالب محامي الدفاع بإخلاء سبيل جميع النشطاء وخاصة الطلبة منهم.
كما طلب الدفاع من النيابة عرض النشطاء على مصلحة الطب الشرعي لبيان ما بهم من إصابات أحدثتها بهم أجهزة الأمن.
وفي نفس السياق تم التحقيق مع ضابط الشرطة إلهامي عبد المنعم وسيتم التحقيق مع بقية الضباط صباح السبت.
وعلى صعيد أخر انتشر مقطع فيديو على الإنترنت قال ناشره أنه كان السبب وراء مقتل خالد محمد سعيد "شهيد الطوارئ".
ويظهر الفيديو ضابط شرطة ومعاونوه قال ناشر الفيديو أنهم ضمن قوة قسم سيدي جابر وهم يقومون بتقسيم ضبطية أحراز 80 كيلو من مخدر الحشيش وبعض النقود، وتحديد الكمية التي سيتم تسلميها للنيابة كحرز والكمية الأخرى التي سيتقاسمونها فيما بينهم .
كما يظهر في الفيديو اقتطاع الضابط لأجزاء من الحشيش، ويسمع صوت أحد الموجودين وهو يقول "لزوم المزاج"، وصوت أخر يقول "مبروك عليك يا باشا" لضابط القسم والذي يعرض عليه أخذ قطعة من الحشيش فيرفضها.
ويقول ناشر الفيديو أن أحد المخبرين الموجودين بالمقطع هو الذي قتل الشاب خالد محمد سعيد شهيد الطوارئ..
ولم يظهر في المقطع ما يدل على أن هذا الفيديو قد تم تصوير داخل قسم شرطة سيدي جابر أم لا مما قد يثير رفض لربط هذا الفيديو بمقتل الشاب.
وكانت السيدة ليلى مرزوق والدة الشاب خالد محمد سعيد "شهيد الطوارئ" قد قالت إن السبب الحقيقي وراء قتل ابنها على الشرطة هو أنه كان لديه فيديو يظهر قيام ضباط ومخبرين بقسم الشرطة وهم يقومون بالاتجار في الحشيش.
وأضافت أن خالد قام بنشر الفيديو بين أصدقاءه وكان ينوى انشاء مدونة على الإنترنت لنشره عليه وفضحهم، مشيرة إلى أنها قامت بتحذيره مراراه من نشر الفيديو حتى لا يقوموا بإيذائه.
masrawy
لحكومة يعنى عيش وانت ساكت
ReplyDeleteاناساكن فى سموحة تبع قسم سيدى جابر وعارف الضابط احمد عثمان واحمد المنيسى وامناء الشرطة والمخبريين منهم رامى وعبد الصادق ومرة الضابط احمدعثمان اخدنى وشفت حجات مشفتهاش فى حياتى ومش عارف خدنى ليةومصايب الباشا كتيرة مرة حرق واحد اسمة عم خليل اول مرة اعرف يعنى اية شرطة بجد لوعايز تروح الحمام ب10 جنية وياريتة حمام وانتو عارفين يعنى اية مخبرين دا غير الضرب والشتيمة والرعب واللى متكتف واللى متغمى وغير الالفاظ وفى فى الاخر الباشا احمد عثمان بيسالنى جى لية؟ قلتلو حضرتك قابلتنى فى الشارع وسالتنى على البطاقة ولما عطتهالك قلت اركب رد قاللى اسمها عطتها لحضرتك يابن:::: قلتلة انا اسف رد رمالى البطاقة وقالى غوررر يابن :: ومش عايز المحك تانى قلتة حاضر ياباشا وطبعا طيران عالبيت
لحياه الكريمة
ReplyDeleteإذا الشعب يوماً أرد الحياه لابد أن يستجيب القدر ولابد لليل أن ينجلي
المخبر د انا عرفه دا مرتشي
ReplyDeleteانا من الاسكندرية واعرف المخبر ده كويس والله مرتشي وحرامى وعلي فكره المعاملة في قسم سيدي جابر زبالة والمفروض ال يتحاكم مأمور القسم والوزير ولازم الناس تفوق من ال بيحصل لازم يبقا عندنا كرامة كفاية كده لازم نصحى شوية لابد من التغيير لابد من استقالة وزير الداخلية واختيار وزير يكون رحيم أو الوزير يغير القيادات الفاشلة وانا بأرجو كل الرجاء من الرئيس التدخل دا لو فايق للشعب للإسف الشعب بقا في خدمة الشرطة والله العظيم قسما بالله الشاب ده مات راجل وانا لو مطرحه وجاب مخبر يفتشنى ويقول طوارىء لأطلع عين أمه لو وصلت ان اموته
لا نلوم الا انفسنا
ReplyDeleteوالله لا يوجد لدينا من نلومه سوى انفسنا انا وانتم جميعا نشارك كل يوم فى مقتل شاب او فتاه او شخص مصرى بصمتنا وعجزنا وجهلنا كلنا نخاف من الحكومه والنظام من منا قام بالتوقيع على منشور الجبهه الوطنيه للتغيير كلنا نخاف ان نعادى الحكومه ونقول واحنا مالنا ما فيش حد يقدر يعمل حاجه واللى نعرفه احسن من اللى ما نعرفوش والشبعان احسن من ما يجى واحد عايز ياكل الكلام ده هو اللى وده البلد فى داهيه والمثل القديم يقول (يا فرعون ايه فرعنك قال ما لاقيتش حد يلمنى)لابد ان نلم فرعون مصر الطاغيه ونقول لا ونبطل النغمه الانهزاميه لان لو فضلنا كده فالدور جاى علينا واحد واحد وذنب هذا الشاب رحمه الله معلق فى رقابنا جميعا رحمه الله واسكنه فسيح جناته ونحسبه عند الله شهيدا والهم اهله وذويه الصبر والسلوان
عليه العوض فى الرجاله
ReplyDeleteانتهت التحقيقات مع جميع النشطاء ولم تبدأ مع بشوات الشرطه....انا امبارح شفت صور الشهيد بعد القتل على الجزيره وكان عندى مشاعر كتير قوى....مكسوف انى مصرى وعربى وبغلى من الغضب من تصرفات الحكومه اللى لسه بتهلل لتقرير حقوق الانسان من كام يوم...وكنت هموت من الزعل على الشاب الجميل ده وعلى منظره بعد الضرب والسحل لانه اغضب البشاوات وسلملى على القانون بس انا عايز اعرف موقف وزير الداخليه من الموضوع ده...ده لو فى بلد محترم كان قدم استقالته ولو بلد فيها رجاله كان اتحاكم ربنا يلهم اهله الصبر والسلوان ...انما احنا منستحقش نعيش
حسبى الله ونعم الوكيل
ReplyDeleteالله يرحمك .... على فكره الفيديو ده لظابط فى قسم شرطه سيدى جابروالمخبرين بتوعه يعنى لو فى موقع محترم وبيدور على الحقيقه بجد يجيب صور الناس دى وساعتها هنتأكد اذا كان الفيديو ده من داخل القسم ولا لأ ( مع انى متأكد انه من جوه) والناس اللى بتقول مش معقول الظابط يصور نفسه وهوه بيوزع الفلوس والحشيش طيب ماهم صوروا نفسهم وهما بيضربوا الناس قبل كده وبيعذبوهم يا جماعه دول بيتفاخروا باللى بيعملوه فى الناس دول مفكرين نفسهم الهه ( والعياذ بالله ) الواحد يضرب ويسرق ويعذب ويقتل كمان وفاكر انه فوق العقاب بس فعلاً معاهم حق لأن البلد دى مالهاش كبير ومحدش بيحاسب فيها حد المشكله مش فى اللى قتل المشكله فى اللى مشغله وفرحان بيه حبيب بيه العادلى اللى مسيطر على البلد بقبضه من حديد وطبعا الباشا الكبير الريس بتاعنا راعى الشباب واول واحد بيدور عليهم وعلى حقوقهم وابنه من بعده رئيس جمعيه شباب المستقبل ( والله كلهم كلاب ) والله ان شاء الله ربنا هيوريكم يوم أسود من ايام عاد وثمود لأنكم طغيتم فى الأرض واشعتم فيها الفساد وحسبى الله ونعم الوكيل ...... ولا تحسبن الله غافلاً عما يعمل الظالمون